بعض مما دونته على الفيس بوك فى احداث انتخابات البرلمان

بعض المواقف التى واجهتنى فى اللجان الانتخابيه :
*انهارده قولت للناس اللى داخله تصوت , انصروا كل شاب اهله انقهروه عليه كل ام مات لها ابن او بنت , حرام عليكم دم شباب الثوره يروح هدر (( لئيت واحد اخوانجى بيقولى :_ انتم بتوع التحرير بتوع تحت الشجره ؟


* شباب سلفيين قاعدين قدام اللجان وبيلعبوا على الابتوب , وداخلين على النت وبيوزعوا منشورات 

* مراقب سلفى لما سمعنى بتكلم عن الثوره واننا هننصر الشباب فى التحرير قال انا عايز امشى من المكان النجس ده , قولتله نجس بوجودك 


*مشاجرات داخل اللجان بين الاخوان والسلفيين و ادت الى فتح محاضر فى الشرطه لهم


*بنات وشباب لايتعدى عمرهم الـ 14 عام واقل كانوا بيوجهوا الناس ويقولوا لهم اوعوا تنتخبوا احزاب تانيه غير بتاعت ( الحريه والعداله والنور ) لان الاحزاب التانيه تبع ساويرس والمسيحين


*شخص رشح الاخوان .. بيقولى انا رشحت اللى بيقول لا إله إلا الله .. طيب ما فى تجار مخدرات وقوادين بيقولوا نفس الكلمه!! وبيقولى الكتله المصريه تبع الفلول , ولما نكسبكم ونحكمكم هنوريكم !! ولما سالته مرتبك زاد بسبب بعد الثوره ذى كتير , قالى زاد بمجهودى .. هو مجهوده ماظهرش غير بعد الثوره؟؟ 


*آخــر نكـته :_ الكلته المصريه بتوزع كنتاكى عشان الناس تصوت لصالحها!!طب انا انهارده انتخبت الكتله المصريه , ومع ذلك لا اكلت كنتاكى ولا فول بالزيت


* اخوانجى كلب بيقولى انتى من بتوع الحرير ! بتوع تحت الشجره! وعلياء المهدى , قولتله اللى فى التحرير اشرف منك


*الاخوان والسلفيين طحنوا بعض قدام اللجان وداخلها وده كله حباً فى مصر مش فى الكرســـى


*عمليات تزوير داخل اللجان من قِبل حزب الحريه والعداله


* قدام اللجان من برا وجوا حشد للاخوان والسلفيين 

الحكايه مش مصلحه البلد , الحكايه دينى ودينك !!

هعرض عليكم كلام عضوات على منتدى ما , مشهور .. عضوه فيهم بتسال عن حزب ( الكتله المصريه ) ؟ ... وكان الرد عليها كالآتى :_

ياسلام على الفكر والمنطق

طائفيه دينيه

بعد قراءه التعليقات جالى صدمه , كنت فاكره ان البلد اتغيرت والثوره عملت تآلف بين المواطنين كنت بوهم نفسى  ان الناس يهمهم مصلحه البلد لكن طلع كلامى ليس فى محله !!


انا عند رائى ((احنا اكتر شعوب الارض نفاق فى التعامل وفى الحياه , وعشان ندخل الجنه لازم نمشى ورا كلام شيخ بدقن طويله وجلباب قصير)) ... ((خدعوك فقالوا ( حريه , عداله , عيش , كرامه ) اونطه .. احنا اثبتنا اننا من شعوب العالم اللى ماحدش سمع عنه بنطبق نظريه " الجوع كافر " الناس مايهماش تتعب عشان تعيش بكرامتها وكل اللى يهمهم تاكل لقمتها باهتانتها !)) ... ((الشعب المصرى بيطبق نظريه ( الجوع كافر ) لو ماعملناش كده هيحصل لنا كده!))

سلطه الشعب المصرى فى الإنتخابات !

تحذير : اخوانجيــه

إللى بستغربله , انتشار بوسترات لحزب " الحريه والعداله " فى الشوارع وعل المحلات , والغريب من كل ده إن شارعنا  حقل للبوسترات دى !!  ماعرفش ليه؟ برغم ان الشباب فى الشارع ليبرالى فى تصرفاته وفى توجهاته .. هو إما الناس مش فاهمه واحطين صور لزينه ف الشارع ... إما مش فاهمين!!
 وفوق كل ده وده طابعين كروت بيفرقوها على الناس " حزب الحريه والعداله "
مكتوب فيها اسمك ولجنتك والرقم المسلسل بتاعك..




إللى خايفه منه هو التلاعب إللى حصل يوم استفتاء الدستور , التلاعب بإسم الدين والله والجنه والنار ونصره الاسلام!
إللى خايفه منه كمان الرشاوى والهدايا إللى هتتوزع على الشعب عشان تنتخب فلان الفلانى وكله مصلحه " الجوع كافر"

*لازم نخلى بالنا كويس اوى , لازم نوزع نفسنا علىا للجان ونصور فيديوهات وصور لأى تلاعب يحصل عشان لو حصل كل ده يكون عندنا ادله , ونقدر نفضحهم بيها بكل سهوله ..

*وعاوزين نناقش الناس داخل اللجان ونسالهم هترشح مين ؟ وليه ؟ 

*ونفهم الناس انك لو رشحت ده هتاخد منه ايه وهيدلك ؟ هومين؟ وهيعملك ايه؟

الاحزاب الليبراليه:_
* الوفد _ الغد _ المصريين الاحرار _ الوعى

إدى صوتــك للى هيخدمك ويخـدم بلدك .. بلاش السلطه والكوسه

ماتديش صوتك برشوى او باسم الدين , وترجع بعدين تقول ياريت اللى جرى ماكان

الإستعلام عن لجنتــك الإنتخابيه

مليونيه الاقصى !!

التيارات الاسلامنجيه بتلعب على كبير , تنظيم , وتلاكيك , وتماحيك  !
بيلعبوا على الانتخابات وبينفوا انهم هينزلوا مليونيه التحرير , ناقص يقولوا انها حرام شرعاً وعشان اللعب يحلو اوى , عملولك مليونيه ( الاقصى ) برئاسه "القرضاوى"طيب كانوا فين من زمان ؟
جايين يعملوا مليونيه الاقصى فى التحرير؟!
* انا فرحانه جداً على فكره لان الشعب عرفهم وكشفهم على حقيقتهم ... 

بعد ماكانوا بيقولوا الدعوه والجنه والاخره , اصبحوا بيرددوا اسلاميه ويرفعوا شعارات كلها طائفيه وفتن , غير ( حازم ابو اسماعيل ) وبيوزعوا منشورات وتركوا الدعوه والانترنت حتى مش منتشرين عليه ذى الاول وده واضح , حتى جروباتنا اللى بتوضح فكره ان الحجاب مش فرض اختفوا من عليها وهجروها برغم انهم كانوا ليل نهار متواجدين عليها !!
* عالم مرتزقه منظمين بيضربوا ضربات معلمين على حق ويجروا .
* عاوزين يحرروا الاقصى عشان الشعب يتلهى عن الانتخابات .

على فكره كل ست فى التحرير بتنادى بحقوقها وحقوق شعبها ووطنها افضل منكم , انتم اثبتوا مين ناقص العقل والدين" بثينه كامل , تيسير فهمى , جميله إسماعيل , نواره نجم .. وغيرها "

القرضاوي غدا جمعة "الاقصي" بالازهر الشريف

الجوارى فى العصر الاموى والعباسى!!

اتخذ بني أمية وبني العباس والمقربين منهم من الجواري البيض الحسناوات ويذكر أن التفكك الأسري كثر في عهدهم  لكثر اتخاذ الجواري من الروميات والفارسيات وغيرهن فى العهد الاموى , تحولت حياه العرب الى كل ماهو جديد , فتمتعوا برخاء , كان ليس موجود فى عهد الخلفاء الراشدين ..


ازدهار الفنون فى العهد العباسى والاموى :_
1- ظهور اول طبقه من المغنيين والراقصات
2- الفوا من الحان الفرس والروم الحان جديده
3- واخذ كل من " مخارق وعلوية وابن سريج وابن مسجح ومعبد والفريض وطويس" تعليم الجواري الغناء والضرب على الأوتار
4- نشأت فى مكة والمدينة اول مدرسه لتعليم الغناء والرقص للجوارى
5- انتشر التقيين في العهد العباسي واخذوا بتقيين الجوارى واشهرهم"يزيد حوراء في المدينة المنورة وابن شماس في مكة وابن رمانة"
6- تعليم الجواري القراءة والكتابة والأدب والشعر

اشهر جاريه فى تلك العصر دنانير

حديث كاسيات عاريات .. لادخل له بالحجاب !

عندما يعجزوا مؤيدين الحجاب عن إيجاد برهان يليق بخداعهم عن بدعه الحجاب وتغطيه شعر المرأه يسردوا لنا حديث كاسيات عاريات , فاردت اليوم أن أرسل لهم هديه عبر مدونتــى

حديث كاسيات عاريات:_
حَدَّثَنِي زُهَيْرُ بْنُ حَرْبٍ حَدَّثَنَا جَرِيرٌ عَنْ سُهَيْلٍ عَنْ أَبِيهِ عَنْ أَبِي هُرَيْرَةَ قَالَ قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ صِنْفَانِ مِنْ أَهْلِ النَّارِ لَمْ أَرَهُمَا قَوْمٌ مَعَهُمْ سِيَاطٌ كَأَذْنَابِ الْبَقَرِ يَضْرِبُونَ  بِهَا النَّاسَ وَنِسَاءٌ كَاسِيَاتٌ عَارِيَاتٌ مُمِيلَاتٌ مَائِلَاتٌ رُءُوسُهُنَّ كَأَسْنِمَةِ الْبُخْتِ الْمَائِلَةِ لَا يَدْخُلْنَ الْجَنَّةَ وَلَا يَجِدْنَ رِيحَهَا وَإِنَّ رِيحَهَا لَيُوجَدُ مِنْ مَسِيرَةِ كَذَا وَكَذَا ...



*هناك شرحين لهذا الحديث الاول :_
شرح " حديث كاسيات عاريات" شرح النووي على صحيح مسلم 17/191
الحديث بشرح النووي:_
( الْكَاسِيَات العاريات) مَعْنَاهُ تَكْشِف شَيْئًا مِنْ بَدَنهَا إِظْهَارًا لِجَمَالِهَا , فَهُنّ َكَاسِيَات عَارِيَات . وقيل :يَلْبَسْنَ ثِيَابًا رِقَاقًا تَصِف مَا تَحْتهَا , كَاسِيَات عَارِيَات فِي الْمَعْنَى . وَأَمَّا ( مَائِلات مُمِيلات ) : فَقِيلَ : زَائِغَات عَنْ طَاعَة اللَّه تَعَالَى , وَمَايَلْزَمهُنَّ مِنْ حِفْظ الْفُرُوج وَغَيْرهَا ,وَمُمِيلَات يُعَلِّمْنَ غَيْرهنَّ مِثْل فِعْلهنَّ , وَقِيلَ : مَائِلَات مُتَبَخْتِرَات فِي مِشْيَتهنَّ , مُمِيلات أَكْتَافهنَّ , وَقِيلَ : مَائِلات إِلَى الرِّجَال مُمِيلات لَهُمْ بِمَا يُبْدِينَ مِنْ زِينَتهنّ َوَغَيْرهَا "..



شرح الحديث الشيخ محمد بن عثيمين 2/825
قال الشيخ بن عثيمين : " قد فُسِّر قوله " كاسيات عاريات " : بأنهن يلبسن ألبسة قصيرة ، لا تستر ما يجب ستره من العورة ، وفسر : بأنهن يلبسن ألبسة خفيفة لا تمنع من رؤية ما وراءها من بشرة المرأة ، وفسر : بأن يلبسن ملابس ضيقة ،فهي ساترة عن الرؤية لكنها مبدية لمفاتن المرأة "








شرح  الحديث بمعنى مختلف :_
شرح النووي على مسلم
يحيي بن شرف أبو زكريا النووي
دار الخير
سنة النشر: 1416هـ / 1996م
عدد الأجزاء: ستة أجزا
توثيق الحديث من موقع اسلامى

قيل : معناه كاسيات من نعمة الله عاريات من شكرها وقيل : معناه تستر بعض بدنها ، وتكشف بعضه إظهارا بحالها ونحوه ، وقيل : معناه تلبس ثوبا رقيقا يصف لون بدنها .

وأما ( مائلات ) فقيل : معناه عن طاعة الله ، وما يلزمهن حفظه . ( مميلات ) أي يعلمن غيرهن فعلهن المذموم ، وقيل : مائلات يمشين متبخترات ، مميلات لأكتافهن . وقيل : مائلات يمشطن المشطة المائلة ، وهي مشطة البغايا . مميلات يمشطن غيرهن تلك المشطة . ومعنى ( رءوسهن كأسنمة البخت ) أن يكبرنها ويعظمنها بلف عمامة أو عصابة أو نحوهما..

اين المنطق ؟!

عضو اخر يقول ان معنى الحديث ان النساء اللاتى يصففن شعورهن؟!!
*تصفيف الشعر بمعنى أستعمال المجفف " السيشوار " وادواته
هل كان فى زمن النبى سيشوار ؟ سؤال يطرح نفسه " منطق "

أدوات تصفيف الشعر

انا حقيقتاً لا اعلم مادخل هذا الحديث بفرض تغطيه الشعر ؟ الحديث لا يخص لا من قريب او من بعيد فرض تغطيه الشعر اوالحجاب؟

مــع تحيــاتى

أبطــال يصنعــون التــاريخ

زمان كنت خايفه لو فى يوم اصبحت أم إذاى ولادى هيعيشوا فى بلد ماتعرفش مستقبل ولا فيها أمل ؟ 

بلد كلها فقر وجهل ومرتزقه بيتاجروا بالدين لكن دلوئت انا مطمنه .

بعد ماشوفت إن لسه مصر فيها خير , طول مافيها شباب وبنات ذى الورد لهم عقل وفكر حر

أحرار , بيصنعوا تاريخ وامجاد للوطن , بيكتبوا مصر جديده , مصر المحروسه 

بعد ماشوفت الابطال بيرفعوا علم مصر بيرفرف لفوق ويطير مع الهوا

بعد ماشوفتهم بيطردوا كل شخص بيحاول بيحاول يبوظ الثوره 

 

 

 

 

 

 

وكل اللى همه كرسى يقعد عليه يتحكم ويتآمر علينا بإسم الدين 

وبإسم الجنه والنار , كل إللى يهمه مركز وسلطه , ويرجع لنا 

 

 

 

تانى الامور سلطه وفوضى ! عرفت إن أنا مش لوحدى 

وورايا شجعان بيرددوا  فكرى وفكر افضل من فكرى !!

تعيشــى يامصر من كل ســوء

 

مصريه بألف رجل

هى الاعلاميه المصريه " بثينه كامل " ولدت  فى 18 ابريل 1962 فى محافظه القاهره و تخرجت من الكليه فى مايو  1983 وبعد تخرجها عينت فى الجهاز المركزى للمحاسبات , وبعد ذلك عينت فى التليفزيون المصرى كقارئه للنشره الاخباريه وبعد ان وجدت حاله تناقض فاضحه بين ما تقرا و بين الواقع الاليم  الذى نعيشه قررت ان تنسحب من قراءه النشره الاخباريه فقدمت ايضا برنامج باسم " اعترافات ليليه" على الاذاعه المصريه وكان مضمون البرنامج  هو طرح المشاكل الشخصيه وعلاجها , وقد حاز البرنامج على شعبيه كبيره لدى الجماهير , كما انها تقدم برنامج " ارجوك افهمنى" والبرنامج يعرض على قناه اوربت . وهى أيضاً عضوه فى حركات كثيره ضد الحكومه المصريه ومنها حركه " كفايه" , وقد دعمت تلك المصريه الشجاعه ثوره يناير المصريه لعزل وخلع الرئيس المخلوع " محمد حسنى مبارك" ونظامه وبعد نجاح الثوره وسقوط النظام والرئيس , ولاثبات دور المراه الفعال فى المجتمع المصرى والعربى قررت تلك المصريه الباسله ترشيح نفسها لرئاسه  مصر , والى الان وهى تواصل ببساله وشجاعه تدعيم للثوره والاعتصامات مع الثوار , والتظاهر معهم حتى اخر قطره دم فداء للوطن...

بثينة كامل تضرب عن الطعام تضامنًا مع والدة علاء عبد الفتاح

"بثينة كامل" تكذب "الأهرام" وتؤكد تعرضها للتحرش من الداخلية

الإفراج عن بثينة كامل و 9 من المعتقلين

إنهــم يقدســون بشر !!

الى كل من قدس البشر ( من الاولى ان تقدس نفسك) فهى اولى بذلك طلاما ان الحكايه تقديس بشرى لبشرى والتمسح به كانه ملاك على الارض وكانك اله حكمت عليه انه من اهل الجنه لمجرد جلباب ابيض قصير يرتديه او لحيه او غطاء شعر سعودى وهابى يضعه على راسه هه ( إن كنتم تقدسون البشر فنحن لانقدس بشر ) " كلامى لاولى الالباب "

*حوار دار بينى وبين صديقه عزيزه عليا بخصوص مدونتى , بحبها وبحترمها وبعتبر اخت ليا :_

صديقتى :_ المدونه دى بتاعتك ؟

أنا :_ اه
صديقتى :_ يعنى انتى بتفتخرى بعلمانيتك وعدم حجابك؟ ياريت تقرى اكتر ذى مابتقرى لاصحاب الاراء دى اقرى القران والسنه ولشيوخ بتصدقيهم
انا :_ اه انا بفتخر انى علمانيه وانى مش محجبه
   صديقتى :_ الله يخليكى بلاش نتكلم فى الموضوع ده خلينا صحاب بعيد عن دايره الدين وأنا بحترم الشيوخ دول
انا:_ الناس دى بشر وغير مؤهلين , دول ممولين من  الخارج لتدمير الدول العربيه خصوصا مصر
صديقتى :_حاولى تقرى لناس بتقتنعى بيهم
انا :_ انا مش بقتنع براىء حد كل شخص بيتبع ظنه
صديقتى :_ انتى عارفه لو مش عرفاكى كنت فكرت بشكل تانى
انا :_الناس دى مش كويسه هناخد منهم ايه ان كانوا بيستغلوا الدين فى  الارتزاق؟
صديقتى :_ احنا لينا تفسيراته واجتهاداته فى شرح  لقران والسنه , وبجد انا مش قاريه بالشكل الكافى عشان اقدر ارد عليكى واناقشك
انا:_ انا قاريه كل الاراء , ياريت انتى اللى تقرئى
  موضوع الحجاب , من 5 سنين كنت بقول انه فرض , لكن بعد ماعرفت اننا كان مضحوك علينا , وابتدئت اقرا واتعمق وكل يوم اكتسب معلومه جديده , وقريت القران وغير كل ده بدئت احفظ القران نفسه والاحاديث , الحجاب مش فرض  , تشريع وزمنيه الحجاب نفسه كان للتميز الطبقى , يعنى على زمن النبى والصحابه كانت الجاريه كاشفه صدر وشعر وعورتها مثل عوره الرجال .. وكانت الحره تحتجب , يعنى اللى مشايخ المرتزقه عرضوه لنا دى عوره الحره , لكن نسوا يعرضوا لنا عوره الجاره المسلمه , الحجاب ( تميز طبقى) ولاعقوبه لتاركه ا لحجاب ولا نص مباشر لفرض الحجاب
صديقتى:_القران بيقول نغطى نفسنا
انا:_ هو انا قولتلك نكشف نفسنا؟ انا بقولك تغطيه الشعر مش فريضه
صديقتى:_يعنى الجوارى بس اللى طانوا مش محجبات
انا:_ايوه الجوارى كاناو بيصوموا ويصلوا ويطبق عليهم الحدود , ولو الحجاب كان فرض لسد فتنه المراه عن الرجل لاحتجبت الجوارى
لماذا كانت الجاريه المسلمه كاشفه الصدر والشعر ؟؟
لماذا لدينا فى التراث الفقهى عوره الامه المسلمه = عوره الرجل؟
لماذا كان ينزع بن الخطاب حجاب الامه المسلمه؟
لماذا كانت صلاه الامه جائزه بدون حجاب؟
صديقتى:_ احنا نقرا الاول وبعدين نتناقش
انا:_ انا قرئت من 5 سنين وكل يوم اكتشف شىء جديد و اتمنى لو تقرئى انتى




*حوار بينى وبين صديقات لى حول صفحه على الفيس بوك تكشف حقيقه الوهابيه , وحقيقه مشايخها خصوصا ( محمد حسان)

صديقتى 1:_ اللى يعمل صفحه ذى دى  يبقى انسان حقير ومايعرفش ربنا
صديقى2 :_ عندك حق , الشيخ محمد حسان من افضل المشايخ عندنا وله احتراه وتقديره
انا :_ايه سيبتوا عباده الله وبتعبدوا بشر ؟وبتقدسوهم ورابطين رضى الله برضاهم؟
انا :_ ان كنتم تقدسون البشر فنحن لانقدس البشر , منا لاولى اننا نقدس انفسنا طلاما ان الحكايه فيها تقديس لشخص غيرى فانا اولى بذلك لنفسى
صديقتى 2 :_لا مش نقدس ولا حاجة بس على الاقل الناس دى ليها احترمها وعيب اوى لما نتريق عليهم لما احنا نتريق عليه امال ال من ديانا تانية يعملوا ايه
انا :_ احترميهم وحدك  بلاش تتغشى فى المظهر ولا تتكلمى فى حاجه مش تعرفيها
صديقتى1 :_حتى لو شايفه انه مش كويس مينفعش نتريا عليه لانه اولا واخيرا رجل دين ايا ماكان الاختلاف عليه
انا :_ ده مش رسول ولا اله ولا مذكور فى قران ولا احاديث , عشان نسيبه ينشر خزعبلاته
صديقتى2:_ ( عملتلى اجنور !!
صديقتى :_ مش بتتكلم معايا ولا بتسال عنى ذى ماكنت بتسال قبل كلامنا سوا

هى حره , ذى ماهم احرار !!

علياء المهدى

اثارت علياء مهدى , الجدل منذ ان نشرت صوره لها وهى عاريه على مدونتها الخاصه ( مذكرات ثائره .. فن عارى )وكتب لها الكثير من المقالات , وجميع وسائل الاعلام تحدثت عنها , والمعظم انكر عليها فعلتها , وقله من هم ساندوهاوقالوا " هى حره "..



علياء فعلا حره , اشمعنى بنقول على المنتقبه والمحجبه انهم احرار ؟وايه دخل العلمانيه او العلمانيين بعلياء او غيرها؟

يعنى المحجبات والمنتقبات اللى بيعملوا عمايل فاضحه فى الطرق العامه و الجناين وتحت الشجر وعلى الكورنيشات والبلاجات كانوا علمانيين؟!! 

ولا عشان لابسين هدومهم وبيمارسوا الجنس ال*** عشان العذريه والعريس الخروف مايعرفش انها كانت ال*** لمؤاخذه يعنى
هى العلمانيه ايه دخلها بالدعاره؟؟ ولا لما صدقتوا تلصقوا اى حاجه فى العلمانيه , عشان تمكنوا  مرتزقه آل سعود من احتلال مصربإسم الدين؟؟ وقتها هتيجى على دماغكم قبلنا , لان السحل هيبقى للركب , والكل هيبقى مسحول سواء انتم او احنا , ايه عاوزين والى امر عليكم؟ عاوزين شخص يحاسبكم على كل صغيره وكبيره؟ صدقينى ياللى بدافعى عن المرتزقه دول ونفسك تلصقى فى العلمانيين وصمه عار لو المرتزقه دول حكمونا انتى اول واحده هتتسحلى وهتنجلدى , بصى للستات فى السودان والسعوديه وافغانستان , لو ست لبست بنطالون بتتجلد ( ده اقل واجب عندهم )مش جديده شعب اتعود على المهانه والفقر والذل
محتاج كرباج وحاكم سليط يربيه عشان انتم شعب يخاف مش يختشى ..

على كده الشعب السعودى الشاذ ( لواطيين وسحاقيات) علماني! برغم القوانين الشرعيه التى تطبق عليه ؟ 

بيزنوا وبيخونوا , وانتشار زنا المحارم والعُهر المقنن , والسواق الهندى الخ الخ الخ .. شعب علمانى  ؟!

> على فكره انا لامع علياء ولا ضدها , انا وسطيه لكن علياء حره ذى المنقبه والمحجبه ال*** ماهم احرار

 

 

هى علياء قالتلكم تعالوا اتفرجوا على مدونتى الخاصه؟؟ ولا انتم اللى شعب طفس جعان دخل يشوف وبعدين يشتم؟؟ ذى مابتتفرجوا وبتشوفوا على افلام البورنو وبعدين تقولوا على فئه وسخه منا لغرب بتمثل فكركم المنحل الفاسد وبتكشف تدينكم الوهمى , انهم بيمارسوا العُهر والدعاره؟؟

وياريت تبطلوا تبعتولى رسايل فيها قذف فى العلمانيه , لان العلمانيه وسام على صدرى , وبالمقارنه بين دول العلمانيه والدول التى

تمارس ثقافه سائده ودين وتريد فرضه على المواطنين .. هتعرفوا ( العلمانيه ايه ودورها ايه ) ..

موجر لأحداث أمس بالتحرير ..

اشتباكات بين الشرطه ومتظاهرين التحرير

حذف كلمة مدنية الدولة من وثيقة السلمي بناء على طلب الاخوان والسلفيين وارضاء لهم ؟ كارثه بكل ماتحمله الكلمات؟!! فين تعهد المجلس العسكرى بحماية مدنية الدوله

 

"حازم ابو اسماعيل " رجع لميدان التحرير تانى بعد هروبه اثناء الاشتباكات بين الامن والثوار  

 المصرى اليوم :حزب النور «السلفي»: نناشد المواطنين عدم التواجد في التحرير مراعاة لمصالح البلاد العليا

 

" حازم ابو اسماعيل " رجع لميدان التحرير تانى بعد هروبه اثناء الاشتباكات بين الامن والثوار 

 

المتظاهرين يطردون ممدوح حمزه من ميدان التحرير

 

الاسكندرية | ضرب طلقات نارية في الهواء بكثافة شديدة بعد فتح أبواب المديرية في سموحة

 

 التلفزيون المصري: الشرطة تحاول منع المتظاهرين من الوصول لمبنى وزارة الداخلية

 

البرادعى / اطالب بحكومة انقاذ بقيادة البرادعي لها كل الصلاحيات

 

 عمرو موسى على سى بى سى: الموقف فى التحرير خطير للغايه و مقلق لنا جميعا.يجب ان يتوقف العنف فوراا .هناك قلق على مصير مصر . اطالب بوقف استخدام العنف مع المتظاهرين و يجب ان نجد مخرج لما يحدث الان .

 

الصفحة الرسمية لحزب النور على الفيسبوك : أصدرت الدعوة السلفية بياناً ناشدت فيه جميع أبنائها و جميع المواطنين عدم التواجد في ميدان التحرير و لا في الميادين العامة في المحافظات منعا لسفك الدماء وحفظا للحرمات العامة و الخاصة و مراعاة لمصالح البلاد العليا ..

 

حركه 6 ابريل ووائل غنيم كانوا متواجدون فى التحرير

بيان الداخلية الان : لم نستخدم المطاطي او الخرطوش او الطلق الناري واقصي ما استخدم هي قنابل الغاز والتزمنا ضبط النفس

 

 البرادعى على تويتر /دستور يتوافق عليه الشعب. حقوق انسان ثابتة. دولة مدنية. جيش جزء من السلطة التنفيذية.ما لم نتفق على تلك الأساسيات لتوحدنا كمصريين فكلنا خاسرون

 

 

سامية جاهين على تويتر: مسيرة فى الثامنة صباحاً من أمام كايرو مول بالهرم تتجه الى ميدان التحرير، تحمل إمدادات للمعتصمين فى الميدان

 

ElfagrNews جريدة الفجر
انطلاق مسيرة من "كايرو مول شارع الهرم" في تمام ال 8 صباحا لدعم ميدان التحرير: اتفق مجموعة من الشباب بتكوين مسيرة

 

البرادعي يصل التحرير .. وهتافات تأييد له

 

 

 استشهاد بهاء سنوسى مؤسس حزب التيار المصرى

 

رشق العوا بالحجاره والرمال فى التحرير

 

الداخلية تتقدم ببلاغ للنائب العام ضد متظاهري التحرير

المشير طنطاوي هو المسئول الوحيد عن الجريمة التي يشهدها ميدان التحرير

الداخلية المصرية تنفي استخدام قواتها للأسلحة النارية أو الخرطوش و المطاطية

هام وضرورى :_

مطلوب ضرورى جدا الادوية دى للمستشفى الميدانى بالاعتصام :.
داينسون وقف نزيف - قطرة غول - كحول سبراى - كورتيجين امبول
و مطلوب كمان بخاخات و كمامات و الحاجات تسلم للدكتور محمد عمر و ده رقم تليفونه 0111353882
ضرورى جدااااااااا .

مرشحه حزب النور السلفى .. تناقض نفسها , وتريد إقصاء الحريات الشخصيه

مرشحه حزب النور السلفى

مرشحه حزب النور السلفى ( منى صلاح) تناقض نفسها وتعتبر النساء ناقصات عقل ودين ..

منى صلاح :_ النساء ناقصات عقل ودين ولا يجوز توليهن الولايه , الا الولايه الجزئيه! " لانها مرشحه الحزب السلفى  فى مجلس الشعب" ان كنتى تعتبرى النساءناقصات فأنتى منهم , فكيف سننتخب الناقص للعقل والمنطق فى مجلس الشعب ؟؟ الناقصه تظل ناقصه فى كل شىء , ما الذى سناخذه من ناقصه عقل ودين ومنطق؟


منى صلاح :_ الناس هتعمل ايه بشكلى ؟ وترد بآيه قرانيه "إن الله لا ينظر إلى صوركم ولا أجسامكم ولكن ينظر إلى أعمالكم" إذا كان الله ينظر الى القلوب ولا ينظرالى الاجساد فلماذا ترتدى النقاب ؟ اذا الاعمال وحدها هى مقياس للاشخاص وليس الملابس , ومع ذلك من حقى ان ارى من سيتحدث باسمى وباسم الشعب فى البرلمان من الممكن ان تكونى رجل , او شخصيه غير ذلك



منى صلاح :_ لا اوافق على الاختلاط بين الأولاد والبنات .. " إبنتها تدرس فى مدرسه مشتركه , وليست على الاقل مدرسه ازهريه , وكانت حجتها ان الظروف تفرض نفسها! من انتى لكى تفرضى على الشعب  عقليتك الرجعيه؟؟ الاختلاط سبب فى رقى الشعوب "يَا أَيُّهَا النَّاسُ إِنَّا خَلَقْنَاكُمْ مِنْ ذَكَرٍ وَأُنْثَى وَجَعَلْنَاكُمْ شُعُوبًا وَقَبَائِلَ لِتَعَارَفُوا"





منى صلاح :_ أحلم بأن أكون أميرة للمؤمنين، ونفسي أن يكون هناك زي موحد مميز للنساء كحال السابقين؛ حين كان الرجال يلبسون الأبيض، والنساء ترتدي الأسود.. كيف ستكونى اميره للمؤنين وانتى ناقصه عقل ومنطق ودين؟ , تقولين السابقين كاناو يرتدوا  ازياء معينه؟ ان اردتى ذلك فعليكى ان تديرى الزمن للوراء , لكى نعود للسابقين فى كل شىء فى المأكل والمشرب والمسكن , فلماذا فقط الملبس؟؟ من انتى لكى تحكمى على النساء والرجال ان يرتدون مثل ماتريدى؟



منى صلاح :_ تستشهد بحديث الرسول ( إن النساء شقائق الرجال) .. كيف تريدى الفصل وعدم الاختلاط وتخوضى العمل و الحديث وسط الرجال؟




منى صلاح :_ تخيل لو واحد بس قطعت يده، لن يسرق أحد ولن تكون هناك بلطجة.. تخيلى انتى لو شخص فيما بعد اثبت القانون انه برىء , كيف ستعود له يده؟؟ ولو كان مذنب بالفعل كيف سيعمل بعد ذلك؟ من سيعتنى باسرته؟ أنتـــــى؟



منى صلاح :_ تقول ان التيار الاسلامى ان حكم مصر أنهم سيتقون الله في الشعب وسيبنون مصر عن حق ( اضربى لنا امثله على هذه التقوى فى السعوديه او افغانستان)؟
هل افغانستان والسعوديه مثال للدول التى تتقى الله فى شعوبها؟ هل هى مثال للرقى الحضارى ؟ هل هى مثال للدول المنتجه الجاذبه ؟؟



منى صلاح:_ تؤيد المدعو حازم صلاح أبو إسماعيل ... ماهوا لبرنامج الانتخابى التى ترشحيه من أجله غير اقصاء النساء  وتجريدهن من الحريه؟؟



برنامجها الانتخابى عباره عن اقصاء للحريات الشخصيه .. وتناقضات وعوده للجاهليه كل مايشغلها النساء والرجال , والازياء والحجاب ( فكرهم لايتغير) احتقار للبشر وكبت جنسى




مرشحة التيار السلفي للبرلمان المصري: النساء ناقصات عقل ودين ولا تجوز لهن الولاية

جمعــه قنــدهــار ... إعلان عن مصر ستان !! 18-11-2011

اليوم فى ميدان التحرير تم رفع صوره الارهابى ( ابن لاند) 18-11-2011

اعلنوها صراحتاً وقولوا ان سبب رفضكم للمبادىء الدستوريه هى وجود كلمه ( دوله مدنيه) , قولوا بكل صراحه نحن نريد نزع كله ( مدنيه) ووضع كلمه ( دينيه) , لماا كل هذا العناء ؟




اعلنوا الحقيقه التى تخفها فى صدوركم , بعد رفضكم للديمقراطيه وتكفيرها , الان تتحدثون بها ؟؟بعد موقفكم من الجيش ووقوفكم بجانبه , الان تعلنون الحرب عليه , وتريدون تسليم السلطه ؟؟!!




لماذا رفعتم اعلام افغانستان , وصوره ابن لاند فى ميدان التحرير ؟؟ الا اذا كانت نواياكم مثل ما الجميع يعلم , انكم تريدون دوله لاوجود لها , دوله اقصائيه , دوله عبيد , دوله اولياء امور دوله الشعب فيها يهان , دوله الجميع فها لاراىء ولا كلمه له , دوله لا لدور المراه فيها , فالمراه فى دولتكم مجرد غايه , وجسد ولافراخ الاطفال , تريدون فرض الوصايا علينا , وتهتفون الان ضد المجلس وتقولون لا لفرض وصاياه علينا ؟!!


المتحدث بإسم الدعوه السلفيه قال اليوم فى خطبه الجمعه:_ ان هُزمنا سننسحب وسنترك الامر للشعب؟!
اتعجب ! هل نحن فى معركه حربيه؟ ام فى معركه وطنيه داخل الوطن من اجل اعلاء كلمه ( مصر )!!
لماذا هؤلاء يريدون اقصاء فكر وحق الاخر فى التعبير؟ لماذا تكفرون كل من ليس على نهجكم؟!!

*شباب الثوره يرفع الاحذيه فى وجه مرشح السلفيه ( ابو اسماعيل)

واخيرا وليس بآخر لا لن نخضع لكم و لن تذهب دماء الشهداء هباء , نحن على عهد مبادىء ثورتنا الحره , وعلى عهد دماء الشهداء التى سالت على ارض الوطن الحر , مصر ( مدنيه) ولو كره الاخوان والسلفيون .. ((إذهبوا جميعاً لغلى الجحيم))



مصــــــــــــــر مدنيه (( علمانيه))

عوره الحره والامه , لعرض الحقائق الخفـيه!!

لماذا تعرضون عوره الحره دون عوره الامه؟ اخائفون من كشف وابراز الحقائق ؟؟!
أعلنوا الحقيقه كامله ودعوا النساء تختار , لا تدلسوا الامور وتدلسوا التاريخ ..

سؤال يطرح نفسه:_ 

هل لو كان الحجاب فرض فلماذا لم يفرض على الجوارى المسلمات؟؟
من سيتحمل ذنب الجوارى المسلمات؟؟
هل عمر بن الخطاب كان يريد اشاعه الفتن والفواحش بين الرجال والنساء, لانه كان ينزع خمار الجوارى؟
لماذا لم ترتدى الجاريه الحسناء الحجاب؟
لماذا صلاه الجاريه المسلمه جائزه بدون خمار او حجاب؟


(( تشريع الحجاب ياساده كان للتميز الطبقى , وليس لكونه فرض )) وهذه الحقيقه المره التى بات تدليسها من جانب
مشايخنا الافاضل فى نهايه القران الماضى ..

سنعرض الحقيقه كامله :_

عوره الحــره

عوره الامــه

 

العلمانيه هى الحل !! تلخيصاً للعلمانيه الشامله , العلمانيه الجزئيه

العلمانيه :_ هى فصل العبادات عن المعاملات , فالعبادات لله , والمعاملات للمواطنين داخل الوطن الواحد

تنقسم العلمانيه:_ الى علمانيه شامله , وعلمانيه جزئيه 

العلمانيه الشامله :_هى ضروره حضاريه واجتماعيه وسياسيه ومبدأيحتاج اليه جميع المجتمعات , والعلمانيه الشامله
هى هيمنه الدوله على الدين




تتضمن العلمانيه الشامله:_
* استقلاليه الدوله والمجتمع بمؤسساته عن مكونات الدين وابعاده
* عدم تدخل الدين برجاله فى مؤسسات الدوله
*هيمنه الدوله على الدين وليس العكس
* عدم تدخل رجال الدين فى خصوصيات المواطنين
* العلمانيه هى الضامن للأديان فإذا اصبح نظام المجتمع علمانى اصبح هناك حريه إعتقاد واتاحه فرصه للاشخاص لاعتناق الاديان او تركها
* العلمانيه الشامله هى الضامن لحقوق الانسان كـ الحريه و العداله , المساواه , الديمقراطيه و السلام , المواطنه وباقى القيم الانسانيه التى تضمن حقوق الانسان

العلمانيه الجزئيه :_
هى اتحاد السياسه والاقتصاد , وهى فى الاساس فصل الدول عن المؤسسات الكهنوتيه , فالدوله دوله مؤسسات , اما الدين خاص بالاشخاص


تتضمن العلمانيه الجزئيه:_
* تترك حيز واسع للقيم  والاخلاق المطلقه والدين مادامت لاسلطه للدين فى السياسه
* لاتتناقض مع المنظومه الاسلاميه ولا الشريعه
* فصل الدين عن السياسه 
* هى اتحاد السياسه بالاقتصاد



ختاماً:_
 فالمقتنع بالعلمانيه يعتبرها إحدى القيم الإنسانيه التي لا بد من اعتمادها ليكون الإنسان إنسانًا: وهي كالحرية والعدالة والمساواة والتضامن والسلام والديموقراطيه وباقي القيم التي تتضمنها  حقوق الإنسان ، بل يمكن اعتبارها القيمه الأساس التي تبنى عليها باقي القيم
الانسانيه والحضاريه والثقافيه ...

برمجه الام لبنتها كانت قبل برمجه الحاسب الالى بكتير

برمجه الام لبنتها كانت قبل برمجه الحاسب الالى بكتير  

الموضوع ده مش للسخريه بس انا حبيت اطلع اللى جوايا واللى بشوفه , لانى بجد الكلام واقف فى زورى اوى
وطبعا مش كل البنات بينطبق عليهم الاوصاف دى بس الاغلبيه العظمى ومش هقول نسب بينطبق عليها الكلام والاوصاف دى
ويمكن كلنا مرينا بالكلام ده بس فى بنات عرفت تفكر صح وتختار مستقبلها وحياتها بنفسها وفى بنات استجابت للبرمجه


فتره الطفوله

من وهى صغيره امها بتبرمجها على إنها ام وكل اللعب بتاعتها هتكون عرايس , وخدى ياحبيبتى شيلى ده النونو بتاعك
والبنت تشيل النونو وتلعب بيه وتأكلها وتشربها وتلبسها , والمشكله الكبيره ان المصانع اللى بتصنع لعب الاطفال عملت
عرايس بتتكلم وتقول ماما وعملت مع كل عروسه هدوم واكل عشان البنت تتعامل معاها كأنها أم فعلا , بصراحه انا بحس
ان الموضوع مش طفولى خالص , وان الموضوع مش مجرد لعبه الموضوع ان الاهل عاوزين يوصلوا للبنت دى انها فى
يوم من الايام هتكون ام ولازم ولا بد يكون عندها بيبى , يعنى ذى ماتقول.. برمجه لعقلها من صغرها



فتره المراهقه

وتكبر البنت شويه وتظهر عليها معالم الانوثه .. وتبتدى البرمجه تشتغل وتبتدى امها تعلمها من صغرها ان البنت لجوزها ولبيتها
فتبتدى البنت دى تشتغل على نفسها عشان تلفت نظر الولاد اللى فى المدرسه معاها لو كانت مدرسه مشتركه .. او تلفت نظر
الولاد اللى فى الدروس الخصوصيه معاها .. وتبتدى تفكر فى موضوع حب وجواز , واللى بستغربله انها بتفكر فى الكلام ده
من سنه 12 سنه مش حتى من سن ال17 , وتبتدى تقلد الكبار لان اهلها وخاصتا امها اوحت لها انها خلاص كبرت بشكل غريب
وطبعا امها مش عاجبها تقليد بنتها  للغير , وهى مش عارفه انها السبب فى كل اللى بيحصل ده



فتره الشباب

وتكبر البنت اكتر واكتر وتدخل الكليه , وياريتها مادخلت  دى لا ثقافه ولا فهم ولا اى حاجه فى اى حاجه هى داخله عشان تاخد
شهاده وعشان وتقعد فى  قلب البيت ذى ما امها قالت لها , وبالمره تشوفلها عريس اياً كان مش مشكله  اصل امها قالتلها ضل راجل ولا ضل حيطه وبنات كتير بسمعهم بنفسى بيقولوا احنا مش هنشتغل احنا هنتجوز ونقعد فى البيت , حتى اللى قالت انها هتشتغل مع اول فرصه عريس قالت بلا شغل بلا قرف العريس احسن هو اصلا فى شغل





فتره ما بعد الكليه

بعد ما البنت تخلص الكليه وتقعد فى البيت تبتدى تقلق من نفسها انا لسه واذاى ماتجوزتش لحد دلوئت ؟!دا بنت خالى اتجوزت وانا اكبر منها بشهرين اذاى دة يحصل !, وتبتدى امها تاخدها معاها فى افراح وتلبسها وتعمل ميك اب وتخليها تلف لفه فى الفرح عشان .. عنتر ابن شداد يشوفها ولو عنتر شاف واحده قريبتها او صحبتها تبئى مشكله , امها تقولها ياعينى يابنتى  كل البنات اتجوزوا إلا انتى , انتى فيكى ايه بس انتى اكيد معمولك عمل مربوط فى رجل نمله , وتبتدى البنت تقلق اكتر كده مش هتجوز انا دلوئت سنى 22 سنه وبعدين ده سن خطر وكده وحش عليا وامى قلقانه عليا ,طيب مااجرب العريس بتاع طنط سوسو جارتنا اهو عريس وخلاص واسمى هتجوز وجوازه والسلام وتشوف عريس طنط سوسو , هو شكله مش كويس ومالو مش بالشكل , ومش ستايل ومالو مش مشكله , وبتاع مامته عادى وفيها ايه يعنى المهم انه عريس وخلاص واتستر وخلاص انا غيرى عندهم عيال , خلاص انا موافقه يابابا . طلاما ان ماما بتقول انه كويس وغنى  هو حد  لائى عرسان اصلا انا ابوس ايدى وش وضهر .. احمدك يارب





فتره بعد الجواز
 
ايه الراجل ده انا مش طيئاه , انا ايه خلانى اتجوزوا ده ماكانش ليا , لا انا عاوزه اطلق , وطبعا امها تقولها كالعاده الكلمه الشهيره
تطلقى!! عيب يابنت الناس يقولوا علينا إيه؟ ماتقوليش كده تانى البنت مش طيئااه ومش عاوزه تجيب اطفال من البنى ادم اللى ادبست فيه ده , امها تئولها لاماتقوليش كده الاطفال احباب الله وبعدين البنت ربنا خلقها عشان تخلف وتملى الدنيا عيال ... على اساس ان الدنيا مش مزحومه والحياه بمبى , وتقرر البنت انها تكون ام ذى ما امها فهمتها , وتجيب البنت بنت , وتبرمجها من صغرها على البرمجه الالكترونيه اللى اتبرمجت عليها زمان ,وتديها العروسه وهالوم جرا.. عرفتوا بئى اننا اول ناس اخترعوا وعرفوا البرمجه قبل مانعرف برمجه الحاسب الالى :)