سؤال بساله لنفسى دايماً بعد اعلان نتيجه المرحله الاولى فى الإنتخابات , ليه الشعب اختار التيار الاسلامى؟؟
هو فعلا الشعب عايز كده ؟ هو الشعب عايز كبت حريتهم ؟ هو الشعب كان كافر ومحتاج لبشرى ذيه انه يوجهه؟
الشعب ليه خذلنا فى تصويته لهؤلاء؟ كان لازم نتعلم من احادث مارس المشؤمه لما الصناديق قالت نعم لترقيع الدستور , كان لازم نعرف ان التيارات دى مسيطره على ا لشعب من مده طويله جداً , كان لازم نعرف ان الشعب محتاج فتره طويله تانيه عشان يخلع رداء النفاق الشكلى , كان لازم نعرف ان فيه احتقان بين طوائف وفئات الشعب
كان لازم ناخد فى اعتبارنا ان هناك تيارا يلعب على عاطفه الشعب الدينيه , انا كأنى فى كابوس كبير , كل احلامنا بدئت تتلاشى , والثوره فى طريقها للسقوط فى عباءه التيارات الاسلاميه ..
فين شباب الثوره؟؟ ليه ماعملوش حزب لهم ووعوا الناس , ونزلوا الشارع وبدؤا يفتعلوا مع الواقع ؟!!
ليه شباب الثوره باعوا القضيه فى الانتخابات , راحوا مسكوا فى بلطجيه , وسابوا التيارات الاسلاميه تاخد تعبهم وعرقهم , ويمصوا دم الشهيد .
* انتم فين ياشباب الثوره ؟ تعالوا من التحرير وانزلوا ارض الواقع , شوفوا مين انتخب الناس دى وليه انتخبوهم لازم ثوره ضد التخلف والراجعيه لازم ثوره , لازم نقوم بمصر الحديث ..
ياترى الثوره قامت عشان يحصل تقسيم لمصر؟؟ يعنى فى يوم هنقوم من النوم نلاقى مصر مقسمه ؟
مقسمه تقسيمات للمسلمين والاقباط وجزء منها سيتم بيعه ؟؟
* الشمال اسلامى و الجنوب قبطى , اما الباقى سيتم بيعه لاسرائيل !!
* يعنى خلاص هندخل فى صراعات طائفيه ؟ خلاص الشعب من كتر ايمانه مش قادر يتعايش مع الاخر بسبب دينه؟
* خلاص بدل مانبنى ونعمر مستقبلنا , هنكسر ونهدم ونضرب ونشتم فى بعض؟
*فين حق دم شهداء الثوره؟؟ خلاص نسينا ان اللى استشهد كان مسلم مع مسيحى؟
* خلاص نسيب عيون شبابنا اللى راحت , ونقعد نمسك فى بعض ؟
*يعنى الشعب مش كفاه 30 سنه واكتر ذل ومهانه , عايز كبت وعايز رقيب بشرى عليه؟؟
*انا مش فاهمه ايه دخل الاديان فى ا لسياسه؟؟ هنقع فى نفس الحفره اللى وقعت فيها اوروبا فى القرون الوسطى؟؟
احب افكركم :_ ان الثوره قامه (( عداله اجتماعيه, مواطنه , تكافل , عيش , حـــريــه , انتاج, حداثه.. الخ الخ ))
* ماحدش فيكم فكره اذاى هقدر نوصل لعداله اجتماعيه؟؟
* ماحدش فيكم فكر يعنى ايه مواطنه؟ يعنى ايه تكافل ؟
* حد فيم فكر انه يعيش , او حد فكر ان فيه ناس عايشه ومش عايشه ؟؟
* حد فيكم حس لو لحظه ان حريتنا تتسلب منا باسم الدين ؟؟
* ياترى احنا فين منا لانتاج , والاقتصاد والحداثه؟؟
*ياترى اللى اختارتوهم دول عندهم فكره بمصر الحديثه؟؟ ان يتحدثون عن اشياء لاعلاقه لها ببناء مجتمع مدنى حديث؟؟
اللى حصل فى كل اللجان على مستوى محافظات مصر فى المرحله الاولى من انتخابات البرلمان :_
* خلط السياسه بالدين
* الكنائس والجوامع كان فيهم صراعات طائفيه , خصوصا الجوامس , والتيار الاسلاى كان تيار تكفيرى
* التزوير والضحك على دقون البسطاء , والرشاوى , واللعبكه داخل وخارج اللجان
* انتشار المنتقبات , والملتحين داخل وخارجا للجان لتكفير كل من يدلى بصوته لغير مسلم لو لحزب ليبرالى
* توزيع اكياس سكر , وبواكى شاى , والأوطه على الشعب فى اكشاك
* الاشاعات اللى صدرت ان الاحزاب الغير اسلاميه , هى احزاب تابعه لاقباط ولـ نجيب ساويرس
* الاعلام الدينى من خلال (( قناه الناس والرحمه .. الخ الخ )) كان لهم عامل كبير للتاثير على الشعب
ياشباب الثوره انقذوا مصر! على ارض الواقع مش تقعدوا فى ا لميدان كتير , لو سمحتم تعالوا انزلوا للشعب كلموهم انــقــذوا مصر! ارجوكم اخرجوا , انزلوا لارض الواقع , خاطبوا الجماهير , شوفوا مطالب الشعب الاساسيه لا تجعلوا التيارات الاسلاميه تركب الثوره اكتر من كده , ارجوكم انزلوا اتحركوا , واحنا كمان لازم ننزل ارض الواقع , احنا على الانتر نت بنخاطب فئه معينه او طبقات معينه من الشعب , هناك طبقات اخرى لاتعرف اللى بنقوله لازم نخرج من ورا الشاشه , ونتكلم ونتحرك ونشوف الشــعــب , لازم ننصف الثوره , ناخد حق الشهيــد ..
ليست هناك تعليقات:
إرسال تعليق