انا لفت انتباهى كتير , كل مااشوف برنامج او تعليق فى اى مكان متاح فيه النقاش والتعليق سواء نت او إذاعه او تليفزيون ألاقى اسئله كتيره بتكرر بخصوص منع وفرض وقبول ورفض , ونسال جهه معينه هل هتفرضى الشىء ده علينا , يرد اصحاب الجهه المختصه او الحزب يقولك لاء لن افرض لن امنع , سأمنع سافرض !
(هو انت مين اصلاً عشان تمنع او تفرض او ترفض او تقبل ؟)
انت مواطن ذينا ذيك , احنا عملنا الثوره عشان نسقط الحزب الوطنى , مكانش عملنا الثوره عشان امثالك يفرضوا علينا وصاياه !
كل برنامج , يستضيفوا فيه واحد إخوانى أو تبع اى تيار متأسلم ... الحوار يكون بالشكل ده:_
المذيع/ هتفرض حجاب على النساء؟
الإخوانى/ لاء مش هنفرض حجاب بس
*وآآآه من بس دى ..
الإخوانى/ هنمنع الإختلاط على الشواطىء وعلى حمامات السباحه!
وهنمنع الخمور !
*على اساس ان الشعب بيشرب ميه لما هيشرب خمرا وهيقعد على حمامات سباحه!
يعنى المقصود هنا مش عامه الشعب , الناس دى بتتكلم عن طبقه معينه فى المجتمع
ولتكن ( الارستقراطيه) و( الفنانين) !! بيبدئوا كبت للطبقات تدرجاً إلى الفقراء !
يعنى عاوزين محو كل ماهو مصرى ماشيين بالمثل إللى بيقول "إضرب السايب يخاف المربوط "
* ده غير حمله تشويه الفن والفنانين والادباء والتراث الحضارر لمصر
لما كل يوم كنا بنشوف اشاعه حول موت الفنان الفلانى ! عاوزين يقنعوا الناس ان الفنانين دول ماتوا عقاب لهم عشان مصر تنضف منهم ,وحتى لو الخبر طلع اشاعه او اسمه بنخوف الناس وبنفكرهم بالموت!
لما حازم شومان طالب بإلغاء حفل " هشام عباس" هل ده كان من حقه؟
لما عبد المنعم الشحات سب وقذفق أدب نجيب محفوظ !
لما قالوا على الحضاره الفرعونيه , حضاره وثنيه وقذره!
* لما يطل علينا كل مده مده حازم ابو إسماعيل المرشح لرئاسه الجمهوريه ويطلع يقول انا هفرض وهعمل , ويدخل كلامه كله فى الدين وكأنه المسيطر! وتلائيه بيتكلم بكل ثقه إنه هيحكم وإنه الرئيس المنتظر ! غللى نفسى اعرفه مين اعطى لهم كل الثقه دى؟
*انتم مين عشان تتكلموا وتمنعوا وترفضوا وتفرضوا؟!اين كنتم فى عصر مبارك؟ اين كنتم قبل الثوره؟أنتم فين من الثوره دى؟! إيه برامجكم؟ غيه أهدافكم لصنع مصر الجديده؟
ليست هناك تعليقات:
إرسال تعليق