منذ أيام كنت فى نزهه ، وبالصدفه تحدثت مع عامل كنت أراه كثيراً وهو يبتسم وكنت أتعجب لإبتسامه ! لأن ملامح
وجهه تحمل الكثير من التعاسه والظلم وكان حوارى معه :_
سلام عليكم ... وعليكم السلام
إذيك ياعم فلان ..... الحمد لله
أمال أنت إنتخبت مين؟ ... كانوا بيلفوا علينا هنا شيوخ وقالوا لنا لو بتحبوا ربنا إنتخبوا دين ربنا
وأنت إنتخبتهم ... اه هعمل إيه يمكن يصحلوا الدنيا شويه
ودلوئت؟ .... ولا حاجه حصلت بس بيقولوا نديلهم شويه وقت يمكن يعملوا حاجه !
أنت شايف إنهم هيعملوا حاجه؟ ..... لاء بس لازم يكون عندى أمل ، طول عمرى عايش عليه ، ولو ماعملوش حاجه إسمى رضيت ربنا!
وهنتخب مين فى الرياسه؟ ... إللى يقولوا عليه وإللى يعرف ربنا .
وزوجتك إيه رائيها ياعم فلان؟ .... أنا كنت متجوز وماتت من سنين وهى بتولد .
عندك كام عيل منها ؟.... كان عندى ولد وإتوفى من سنتين .
مات فى حادثه ؟ .... لاء مات من المرض ، كان عنده الكلى وماحدش "تـــف" عليه ! كلوا البلد وخربوها ومصوا دم الغلابه .
وأنت ماحاولتش ترفع قضيه تاخد فيها حق إبنك؟ ... الشكوى لغير الله مذله ، وأنا غلبان وعلى باب الله مش ناقص وجع دماغ .
ناوى تعمل إيه فى حياتك ياعم فلان؟ ... هعمل إيه أدينا عايشين !!
(( لا مبالاه يعيشها الشعب المصرى ، أكثر من 30 عام من الذل والإسقاط الإنسانى ، والإهانات ، والظلم ، والقهر ، والخوف
، والجبن ، والطغيان ، حتى الشباب فى كل مراحل أعمارهم يعيشون هذا " اللامبالاه " لقد مللنا حياتنا هكذا ، ونريد التغيير !
ليست هناك تعليقات:
إرسال تعليق